الدجاج بصوص الليمون

المكونات:
٢ صدور فراخ
ملح
فلفل
1 كباية دقيق
1 و ½ بقسماط
بيضتين
زيت زيتون

3 معلقة كبيرة سمنة جنة
1/3 كوباية عصير ليمون

للتقديم:

شرايح ليمون
بقدونس متقطع

طريقة التحضير:

هنسخن الفرن على 200 درجة. صينية فرن كبيرة هنفرد عليها ورق زبدة
هنحط الفراخ بين كيسين ثلاجة و نضرب عليها عشان نرفع سمكها لـ 1/2 سم.
بعد كده هنرش عليها حبة ملح و فلفل على الناحيتين
في طبق كبير هنخلط الدقيق بمعلقة صغيرة ملح و 1/2 معلقة فلفل. في طبق تاني هنضرب البيض مع معلقة كبيرة مياه.
و في طبق ثالث هنحط البقسماط
هنحط صدور الفراخ في الدقيق بعدين البيض بعدين البقسماط
هنسخن طاسة كبيرة على نار متوسطة و هنضيف معلقتين كبيرة زيت الزيتون و نحط الفراخ عشان تتحمر.
لمدة دقيقتين على كل ناحية و هنحطهم في صينية الفرن و نكرر العملية مع صدور الفراخ المتبقيه.
ندخل الصينية في الفرن لمدة 5 الى 10 دقايق عشان الفراخ تستوي
في الوقت ده هنعمل الصوص... في نفس طاسة الفراخ على نار هادية هنمسحها بورق مطبخ.
هنسيح الزبدة و هنضيف عصير الليمون مع 1/2 معلقة صغيرة ملح و 1/4 معلقة صغيرة فلفل و هنسيبها لمدة دقيقتين لحد ما تغلي. هنشيل الطاسة من عالنار و نضيف معلقتين الزبدة و نسيحها في الصوص.
للتقديم هنحط الفراخ و عليها شرايح الليمون مع البقدونس.